Kiedyś do roboty mioł żech wielkie chynci.Teroz musza żebrać – łza sie w łoku krynci.Fuzekle dziurawe, unterhymd łotany,Rychtyk – tak trza pedzieć – widok łopłakany.Kiedyś miołech w kapsie piniyndzy jak siana,A teroz na mieście betluja łod rana.Wiycie, wzionech paket, na grubie – szterdziści!Miołech tej waluty jak na drzewie liści.Komplom żech gorzoła za to zafondowoł,Z dziywami, w tancbudzie, tyżech sztyjc tańcowoł,A piniondze – wszystki!!! – teroz to mi szkoda,Ale wtedy poszły. Pieronym! Jak woda!I nastały dlo mnie taki ciynszki czasy.Że nie wiym, czym spłaca debet ze szporkasy.Już sekutnik zebroł szczybne gable, noże,Teroz czym zapłaca? Nie wiym, mój ty Boże!!!Kożdy sie ło wszystko tak łokropnie łechce,Że biydnymu ani fynika dać nie chce.Komple mie nie znajom, dziywy łomijajom,Tak po prowdzie pedzieć – wszyscy w rzici majom.Wejrzcie na mie, chopy. Jak mocie robota,Wybijcie sie z głowy ta rajno gupota.Lepszy róbcie ciynszko. Srejcie na pakety,Bo nikt Wom nic nie do za darmoNiestety!!!
Komentarze