Wszyskie dzieci bardzo dobrze sie przigotowały do tego konkursu, a poziom był rychtyk wysoki i kożdy chcioł zdobyć te trofeum.Bezkonkuryncyjne okozały sie dwie uczynnice z Tworkowa, kere piyknom gwarom, typowom dlo regionu zaolziańskigo, przedstawiyły scynka miydzysomsiedzko przi sprzątaniu swojigo obyńścio, bo piyrszo konkuryncjo miała miano: „Ślązacy w pracy”.Nastympno polegała na wylosowaniu przedmiotu, kery po ujawniyniu trza było nazwać po naszymu. Zdałoby sie, że to taki proste, ale spróbujcie sami po ślonsku nazwać nikere przedmioty, kere tu przitocza: peleryna, naklejka, pajacyk, trzepak do dywanów, trampki, garnek gliniany, narzuta... i wiela jeszcze inkszych, ale podoł żech yno te, z kerymi dzieci miały nojwiynkszo opresyjo.Prziszło potym dran na ostatnio konkuryncjo, kero jak żech wspomnioł na wstympie, nojwiyncyj wszystkich rozbawiyła. Juzaś było losowanie fantow, ale teraz trza było w czasie trzech minut wymyślić jak nojwiyncyj rzeczy, kere szłoby z nij zrobić abo jak jom wykorzystać. Tu rechtorka dała przikład dzieciom ze pantoflym, że idzie nim nabrać wody, przibić gwoźdź, zrobić instrumynt perkusyjny itd.Dużo tych rostolicznych rzeczy wylosowały po koleji te zespoły szkolne, była chustka, warzecha, zicherka, flaszka plastikowa i inksze. Jakie te dziecka majom pomysły, to sie w łepie niy mieści.Jedyn synek, chyba z Krziżanowic, co wylosowoł zicherka, padoł, że idzie niom przeżgać opona w aucie abo kole, idzie tyż rechtorowi na stołku postawić, żeby mu wlazła, kaj niy trza.Nojwiyncyj jednak śmiychu było, jak jedna dziołcha z Rud, kero wylosowała posek, pedziała, że idzie nim młodego pana przipnyć ku łożku, jakby chcioł uciyc w noc poślubno. Biydne te rudzki karlusy, kere ta dziołcha dostanom za pora lot!
Komentarze