Ta ksiōnżka, jak tyż ôd nij kōntynuacyjo “Tam kaj rodzom sie djamynty” to ôbowiōnzkowy punkt w Waszej bibliotyczce. Polecōm jōm szczegōlnie wszyskim szkolorzōm, bo to baza wiedzy historycznej, kerej polsko szkoła na pewno im niy fōndnie. Ksiōnżki pana Cichonia atrakcyjnie prezyntujōm rozdzioł po rozdziale (po ślōnsku a po polsku) wybitne postaci Gōrnego Ślōnska. Wielkim plusym je sam tyż grafika, forgot dobre i nikedy śmiyszne ôbrozki.
Dzisiej zaproszōmy razym z Lusiōm do posłōchanio ô Erneście Wilimowskim. Toć, fusbal na poczōntek, ale hneda podciepnymy jeszcze z 2-3 inksze rozdziały. Wyboczcie, ale nie zawsze czytōmy kropka w kropka jak pisze autor. Nikedy moja 4,5 letnio słōchoczka troszka sie “styrko” i historyjka leko sie wzbogaco.
Dziynkuja piyknie panie Waldemarze za zgoda na publikacyjo. Posłōchejcie, bo sie werci! A mono jeszcze Dzieciōntko kōmuś ta ksiōnżka prziniesie...
Kliknij aby odtworzyć audiobook.
Komentarze