Wodny diobol 1
Wodny diobol 1


W nocy Hanysowi otwiyroł dźwiyrze z chlywow, wypuszczoł prosiynta i spuszczoł z lańcuchow krowy i konie. Wypuszczono gowiydź pomogała utopkowi wiynkszo szkoda robić na hanysowym gospodarstwie. Prosiynta zaroz sie dały do rozkopowanio brogow z zimiokami, zaś konie i krowy wlazły do ćwikle za stodołom i cołki zogon z ziymiom zrownały.Inkszym razym utopek fachel przewrociył na placu i chomonta, kere przed stajniom wisiały pod daszkiym, wynios daleko w pole, że Hanys niy poradziył ich znojść tak gibko.Taki rostoliczne bzdury robiył utopek, że Hanys o rozum przichodziył, bo co roz, to coś inkszego mu tyn gizd wynochwioł.Jak już tego za dużo było, to Hanys se roz w nocy zawachowoł, bo niy umioł spomiarkować, kto by mu mog robić na złość i za co. Wyciongnył se spod szopy landauer na pojstrzodek placu i jak już wszystko z parobkiym poodbywali, wloz do niego i padoł babie, że bydzie wachowoł cołko noc na tego istnego, co mu na bzdury robi.UTOPEK

Komentarze

Dodaj komentarz