Pamiyntosz jeszcze
Jak na Waldwiza my lotali,
Zbiyrać brusiny, abo grziby.
Jak popolyły nas pokrziwy.
Jak my po strōmach sie spinali.
Jak we przikopach były raki,
A woda czysto, choćby kryształ,
Co szło nabiyrać jōm na łyżka,
A szmak cudowny miała taki.
Dzisiej w przikopach yno szlōm,
Tōż raki tyż sie potraciyły,
A my glacaci downo sōm,
Po strōmach skokać niy ma siyły.
Pamiynć ôstała yno nōm,
Ô downych czasach, co minyły.
Stanisław "Fojermman" Neblik
2021.09.20
Komentarze