– Kaj mosz duszyczka? – ryknył Lucyper. Padoł żech ci, że sie ni mosz po co pokazować bez nij.Dioboł zaś godo, że przegroł ringowanie i to z młodszym bratym gospodorza, toż mu teraz Lucyper doradziył, co mo zrobić:– Idź nazod i powiydz mu, że mo wziońć na pleca kobyła i trzi razy obyńś śniom dookoła stawu. Jak to dokono, zaroz mu prziniesiesz miech złotych talarow.Uradowany Jołop rano wczas idzie po kobyła do stajnie, zawołoł gospodorza i wsadziył jom na pukel. Oblecioł śniom trzi razy dookoła stawu i rzeknył:– Jak gospodorzu pokożecie to samo, to waszo wygrano i miech talarow zaroz prziniesa, ale jak niy, duszyczka moja.– Dobra, dioble! – to żodyn konszt na plecach kobyła nosić. Jo jom wezna miyndzy nogi i przeniesa piyńć razy naokoło stawu. Potym siod na kobyła i objechoł piyńć razy dookoła stawu. Dioboł nic niy pedzioł, yno przigryz wargi i godo: – Juzaś żeście wygrali! – ale teraz przed nami ostatnio próba. Kery z nas głośnij gwizdnie, tyn wygrywo – pedzioł pokonany dioboł.Zaroz potym wstyrczył swoji diobelski palce do pyska, nabroł luftu i tak przeraźliwie gwizdnył, że otworziły sie wrota ze stodoły, a z chałupy spadło ze sześć dachowek. Hanysowi w uszach dzwoniło i w łepie szumiało, choby go kery konicom po nij przeciongnył.– Teraz wy, gospodorzu! – chichroł sie dioboł.– Dobrze, ale zawionż se oczy i uszy nojprzod, bo ci tyn mój gwizd jedne i drugi powyrywo.Dioboł se zawionzoł i wtedy gospodorz wzion w swoji wyrobione rynce orczyk, kery stoł pod chlywym i z cołkij siyły prasknył nim Jołopa w palica.Dioboł zaryczoł z bolu i wytargoł wiela siył w nogach ku piekelnyj bramie.– Niych go pieron strzeli! – ryknył do Lucypera, ale mie gwizdnył w łeb, aże mi trzeci rog urosnył.Lucyper widzi, że to niy som błozna, drabko zalecioł po miech złotych talarow i godo: – Bier gibko tyn miech i rzazej do niego, bo nom tu cołki piekło jeszcze wymiele!Od tego czasu Lucyper już niy wyganioł Jołopa z piekła po nowo duszyczka, zaś tyn chwolił sie wszystkim inkszym diobłom w piekle swojim nowym trzecim rogiym na łepie.Do dzisioj niy idzie nikaj spotkać diobła z trzema rogami, krom Jołopa mo sie rozumić, ale tego po takij nauczce Lucyper już z piekła niy posyło na ziymia.UTOPEK
Komentarze